Walaalayaal ku soo dhawaada website-ka sh maxamed macalin xasan maadaama uu yahay quraanku kitaabkii ilaahey u soo dejiyay koonkan una soo dhiibay nabi maxamad (scw), barashadiisa iyo fasiraadiisuba iyo ku dhaqankiisaba ay waajib tahay halkaan waxaa idinkugu soo gudbin doonaa tafsiirka sheekha.

qaabka tafsiirka u duuban yahay  waa darsi soconaya 30 daqiiqo oo ka bilaabanaya aayad kuna dhamaanaya aayad kale. guud ahaan cajaladaas oo isku noqday 405 cajaladood oo laga soo shaqeeyay dib loo dhageystay lana soo tifaf tiray. website kan ma ah mid ribix laga raadinayo ayna fududahay in laga barto tafsiirka quraanka. sidoo kale waxaa halkaan ka heli doontaa muxaadarooyin iyo kitaaba kale oo uu aqriyay sheekha mar kale iyo ka faa’iideysi wacan kuna soo dhawaada tafsiirka sheekha allaha idin barakeeyee.

ulajeedooyinka waxaa ka mid:

1. baahinta cajaladaha tafsiirka si ka casrisan noocyadii hore.
2. soo nooleynta doorkii tafsiirka sheekha iyo guditaanka abaalkii uu ku lahaa umadda soomaaliyeed.
3. ka qeyb qaadashada fidinta diinta islaamka iyo barashadeeda.
4. isku dhiiri galinta dhaxalkii ay nooga tageen culumadeenii hore.